15th August, 2022 at Aizawl : ‘Azadi ka Amrit Mahotsav’ (AKAM) kutpui lawmna kal zelah Urban Development & Poverty Alleviation Deptt. hnuaia Pradhan Mantri Awas Yojana (Urban) Mission chuan PMAY (U) Beneficiaries te nen ‘Kite Festival’ chu High School Field, Mc Donald Hill, Zarkawt ah ni 15th, August, 2022, 2:00 PM hian hman a ni.

‘Azadi Ka Amrit Mahotsav’ hnuaiah hian August ni 5 atangin PMAY(U) beneficiaries te zingah Letter Writing Competition leh Drawing Competition kalpui tan a lo ni tawh a. Letter Writing Competition atan hian ‘Letter to the Soldiers of India’ tih thupui hman ni in, Drawing Competition atan ‘Affordable Housing’tih thupui hman a ni thung.

Ministry of Housing & Urban Affairs thuchhuak angin PMAY (U) Beneficiaries te nen ‘Kite festival’ hi hlimawm taka hman a ni a. He Programme ah hian India hnam puanzar rawng zulzuiin lehkhachaih Serthlum rawng, Var leh Hring te a siam chu PMAY (U) Beneficiaries te leh Officials ten Independence Day lawmnan an chaih a ni.

He Programme hi Pu Andrew Lalhruaia, Deputy Director (Plan) chuan kaihruaiin Pu Lalmalsawma Pachuau, Secretary to the Govt. of Mizoram, UD&PA Deptt. chu Chief Guest a ni. Chief Guest hian ‘Letter Writing Competition’ leh ‘Drawing Competition’ a lawmman 1 na atanga 3 na dawngtute hnenah sumfai leh ‘Certificate of Merit’ a pe a, he inelna a tel hrim hrim te tan ‘Certificate of Appreciation’ a hlan bawk.

Pu Lalmalsawma Pachuau chuan thusawiin, ‘Kite Festival’ flag off na a nei nghal a, he hunah hian lehkhachaih 150 chaih a ni. Pu HVL Zarzoenga, Joint Director (Plan), UD&PA Deptt., State Nodal Officer, PMAY (Urban) – Mission ni bawk chuan he hun tluang taka hman a ni thei chu lawmawm a tih thu a sawi a, Ministry lamin a ‘Kite Festival’ hmang tura min beiseina ti hlawhtling tura PMAY (U) Beneficiaries lo kal khawm zawng zawng te chungah leh he Festival hlawhtlin theih nana theihtawp a hma la tu Department Official te hnenah lawmthu a sawi a ni.