Aizawl the 21^st July, 2022 : Vawiin July ni 21, 2022 khan Aizawl Sustainable Urban Transport Project (ASUTP) a tana hmalakna kalmekah Department hrang hrang kaihhnawih hotute inrawnkhawmna (Stakeholders’ Consultation Meeting) Aizawl Club, Conference Hall ah neih a ni.

Hen inrawnkhawmna hun hi Pu Lalmalsawma Pachuau Secretary UD&PA leh Aizawl Sustainable Urban Transport Project a Project Director in a kaihruai a, Department hrang hrang- PWD, AMC, P&E, PHED, Traffic Police, Transport, Disaster Management, Commerce & Industries, Higher & Technical  Education, Health & Family Welfare, Tourism, School Education leh Town & Country Planning hotute an tel a ni.

Pu Lalmalsawma Pachuau Project Director ASUTP chuan in lawmna thu leh keynote address  sawiin, he project hi tluang taka a kal chuan Aizawl khawpui a lirthei leh mipui chetvel  awlsamna atan hmasawnna ropui tak a la thleng dawn a, kan khawpui hi thangtharte luah tlak ah kan siamngei a ngai a ni a ti a, Department sawm bik hrang hrangte zalen taka hun hmang a,  he project hlawhtlinna atan an ngaihtuahna nasa taka hmang turin a sawm a ni.

Pu H Lianzela Director UD&PA leh Addl. Project Director ASUTP ni bawkin Project Planning Design Monitoring Consultant (PPDMC) Team leh ADB Consultant te hmelhriattirna leh ASUTP chungchang sawifiahna hun a hmang a.  Aizawl Sustainable Urban Transport Project(ASUTP) hnuai ah hian Aizawl khawpui a mipui leh lirthei chet vel dan hrang hrang zirchian a, project siam tur a ni a. Ni 26.10.2021 khan Central Sorkar, Mizoram Sorkar leh Asian Development Bank(ADB) ten loan agreement leh Project Agreement te an lo ziah tawh thu sawiin  tunah hian ADB kalphung angin Project Readiness Financing (PRF) kalpui mek a ni a, hemi atan hian Aizawl khawpui a mipui chetvelna leh lirthei chet dan zirchiang turin Project Planning Design Monitoring Consultant (PPDMC) atan Mott MacDonald Consulting Form, Noida thlan tawh an ni a, zirchhianna an nei tan mek a ni a ti. Consultant Mott Macdonald in  thla 31 chhung zirchianna an neih turah hian City Mobility plan, Feasibility Study leh Detailed Project Report(DPR) siamte a tel a ni. Chumi zirchianna leh ruahmanna (Feasibility Study leh Detailed Project Report etc.) te chu Asian Development Bank in fund theiha a ngaih chuan Aizawl Urban Transport atan hian sum thahnem tak hmuh theih beisei a ni.

He Stakeholders’ Consultation meeting ah hian ASUTP a tana Consultant rawih mek Mott Macdonald leh Individual Consultant (Urban Transport Specialist) ten presentation pe in hmalak mekna sawifiahna an nei a. A kaihhnawih Department hrang hrang hotulu kalkhawmte chuan zau takin Mobility issue hrang hrangte sawihona hun an hmang a. An thlirdan leh rawtna hrang hrangte  an thlen a, he ASUTP a hlawhtlin hun an nghahhlelh thu an sawi hlawm a ni.

Pu HVL Zarzoenga, Project Manager, PMU, ASUTP& Joint Director(Plan), UD&PA Department chuan lawmthu sawiin he hun hi a khar a ni.